|
| 今日第一日返H6 (PACU post-admission care unit), 感覺幾好, 有兩個nurse orientate我地, 又按排好哂工作同evaluation 既時間俾我地, 好似好重視我地咁! 雖然我地都係主要同patient傾計, 不過至少D nurse唔會當我地透明, 已經覺得好好! | | |
| 今日係第二日去CPN, 亦都係最後一日!
尋日去完mama住0個區, 今日去caca以前住0個區, 呢兩個地區, 我都好少去, 去完都唔識自己再去!
做左兩日CPN, 都覺得幾好做, 油麻地centre 已經係全港最多case, 最辛苦既centre, 不過我都唔得好辛苦0者, 佢地返8:30-5:00, 長短周, 紅假又有得放, 又可以著便服, 又唔洗好似CNS咁拖住D醫療用品四圍去, 咁辛苦, 真係諗得過!!!!
尋日我同阿sir講, CPN既工作好似社工咁喎, 佢話好多病人都當左佢係社工, 上到樓, 個病人真係咁稱呼阿sir, 哈哈, 又幾得意喎!
尋日四點鐘就放工, 今日四點鐘要返葵涌醫院聽個無聊briefing, 個光頭佬講既內容, CPN個阿sir都講過哂啦, 洗唔洗我特登0係油麻地過去呀???? 葵涌醫院又唔"就"腳, 0係山上面, 樓梯又多, 斜路又長又斜, 行死人呀!!!
生活實在太枯燥, 所以放工自己去左shopping, 哈哈~
今日竟然街揰到個社工病人, 我都係第一次0係街揰返病人! 佢話佢出左院喇, 不過, 我無從心底裏面既高興, 因為我覺得佢唔係出院, 最多都係渡假, 佢好似有心厄我咁! 自從上次guide nurse話佢係一個好聰明既病人次後, 我一直都唔敢再信佢講野, 唔知佢個心收埋D咩, 唔知佢下一步想點~ | | |
| 今日去油麻地CPNcentre(community psychiatric nursing centre), 呢個centre既 nurses 負責定期探訪出左院既精神科病人, 同佢地做評估, 同埋 educate佢地! 因為怕mentor一到九點即刻出去探病人, 所以唔敢遲, 仲早左半個鐘到!
今日係由一個阿sir帶我去探病人, 今日探左五個病人, 其中有兩個病人好慘! 一個年輕時係大老板, 淨係捐錢都只少十幾萬, 員工過千, 但係後來俾人厄哂D錢, 老婆又走佬, 無兒無女, 而家仲患埋左老人痴呆症, 搬左去住獨居老人既公屋, 仲同以前既工人做鄰居, 最到心都酸埋...
另一個case, 係一個本來身體壯健既男人, 因為俾的士揰到, 小腿骨節不特止, 仲令佢情緒好唔穩定, 即使佢本身好錫仔女, 但係當情緒控制唔到時, 連仔女都打, 但係佢自己唔知自己打過仔女! 而家仲失去勁作能力, 要老婆養哂全家....
見到咁多唔開心既case, 好慶幸自己有個健康既身體, 幸福既家庭! 一切, 都唔係必然! | | |
| 今日係最後一日0係PICU實習, 好多病友都好唔捨得我地, 走既時候都好依依不捨咁同我地講bye bye! 雖然0係精神科要成日對住D好唔正常既病友, 但係佢對我地既感情, 係0係general ward見唔到架! 每朝返工, 佢地都會同我地講早晨, 而且佢地會認清楚我地既樣同個名, 會叫我地 "吳姑娘" "翁姑娘", 感覺到佢地好專重我地!
不過護士0係精神科既作用真係唔大, 所以唔多RN(registered nurse註冊護士), 多數都係EN (enrolled nurse登記護士)! 呢度既護士, 最主要係唔好俾病友自殺同傷人, 所以護士對佢地既一舉一動都要好留意, 好似看犯咁! 另外就係派藥, 等病人可以減輕幻聽同妄想! 我都希望藥物真係幫到佢地! 令佢地可以重投社會, 過一般人過既生活! | | |
|
